എസ്എസ്എൽസി പരീക്ഷയിൽ മികച്ച വിജയം കൈവരിച്ച വിദ്യാർത്ഥികൾക്ക് കരുനാഗപ്പള്ളി റെഡ് ക്രോസ് സൊസൈറ്റിയുടെ അവാർഡ്
കരുനാഗപ്പള്ളി: എസ്എസ്എൽസി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ ഉന്നത വിജയം കൈവരിച്ച വിദ്യാർത്ഥികളെ ഇന്ത്യൻ റെഡ് ക്രോസ് സൊസൈറ്റിയുടെ കരുനാഗപ്പള്ളി താലൂക്ക് കമ്മിറ്റി അനുമോദിച്ചു. സബ്‌ജില്ലയിലെ ജെ.ആർ.സി കേഡറ്റുകൾക്കാണ് ഈ പുരസ്‌കാരങ്ങൾ നൽകിയത്.
കരുനാഗപ്പള്ളി ടൗൺ ക്ലബ്ബിൽ നടന്ന അനുമോദന സമ്മേളനത്തിൽ തഹസിൽദാർ ആർ. സുശീല ഉദ്ഘാടനം നടത്തി. റെഡ് ക്രോസ് ചെയർപേഴ്സൺ ഡി. സുമംഗല അധ്യക്ഷയായി. താലൂക്ക് സെക്രട്ടറി കോടിയാട്ട് രാമചന്ദ്രൻ പിള്ള സ്വാഗതം പറഞ്ഞു.
സംസ്ഥാന റെഡ് ക്രോസ് സെക്രട്ടറി എസ്. അജയകുമാർ, ആർ. ശിവൻപിള്ള, ആർ. അജയകുമാർ, ഡോ. കെ.ജി. മോഹൻ, ജെ. ഹരിലാൽ, ജി. സുന്ദരേശൻ, എൻ.എസ്. അജയകുമാർ എന്നിവർ പ്രസംഗിച്ചു.
കരുനാഗപ്പള്ളി സബ്‌ജില്ലയിലെ 15 ഹൈസ്കൂളുകളിൽ നിന്നുള്ള 71 ഉന്നത വിജയം നേടിയ വിദ്യാർത്ഥികളെയാണ് പുരസ്‌കാരങ്ങൾ നൽകി ആദരിച്ചത്. ചടങ്ങ് വിദ്യാർത്ഥികൾക്ക് പ്രചോദനമേകുന്നതായിരുന്നു.
