ഇറാനിന്റെ ആക്രമണം അതൃപ്തികരവും അത്യന്തം അപ്രതീക്ഷിതവുമാണ്; എല്ലാ പാർട്ടികളും നെഗോസിയേഷൻ ടേബിളിലേക്ക് തിരിച്ചുവരണമെന്നും ഖത്തർ വിദേശകാര്യ മന്ത്രാലയ വക്താവ് ആവശ്യപ്പെട്ടു

ദോഹ: ഇറാനിയൻ മിസൈൽ ആക്രമണത്തിന്റെ പശ്ചാത്തലത്തിൽ, ഖത്തർ പ്രധാനമന്ത്രിയുടെ ഉപദേഷ്ടാവും വിദേശകാര്യ മന്ത്രാലയത്തിന്റെ ഔദ്യോഗിക വക്താവുമായ ഡോ. മജിദ് ബിൻ മുഹമ്മദ് അൽ-അൻസാരി പ്രഖ്യാപിച്ചത് ഖത്തർ ഈ ആക്രമണത്തെ ഭീകരകരമായ അത്യന്തം അപ്രതീക്ഷിതമായ ഒരു കാര്യമായാണ് കാണുന്നത്. മേഖലയിൽ സമാധാനപരമായ പരിഹാരങ്ങൾ ലക്ഷ്യമിട്ട് സംഭാഷണങ്ങൾക്കും ഇടനിലയ്ക്കും ഖത്തർ ശ്രമിക്കുന്ന പശ്ചാത്തലത്തിലാണ് ഈ ആക്രമണം നടന്ന് പോയത്.
2025 ജൂൺ 23 വൈകുന്നേരം ഖത്തർ ടിവിയിൽ നേരിട്ടുള്ള സംപ്രേഷണത്തിൽ നടന്ന സംയുക്ത പത്രസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്.
“സംവാദത്തിലൂടെയും നയതന്ത്രത്തിലൂടെയും പ്രശ്‌നപരിഹാരങ്ങൾ കാണണമെന്ന് ഖത്തർ ആവർത്തിക്കുന്നു. എല്ലാ പാർട്ടികളും ചർച്ചാ മേശയിലേക്ക് തിരിച്ചുവരികയും വേണം. ഇത് മേഖലയിലെ സ്ഥിരതയും സുരക്ഷയും സംരക്ഷിക്കുന്നതിന് നിർണായകമാണ്.” ഡോ. അൽ-അൻസാരി പറഞ്ഞു.
ഇറാനിലെ വടക്കും വടക്കുപടിഞ്ഞാറും പ്രദേശങ്ങളിൽ നിന്നായി 7 മിസൈലുകൾ അൽ ഉദൈദ് എയർബേസിനെ ലക്ഷ്യമിട്ട് വിക്ഷേപിക്കപ്പെട്ടുവെന്ന് സ്ഥിരീകരിച്ചു. ഇവ അതിർത്തി കടന്ന ഉടനെ കടലിന് മുകളിലായി തടഞ്ഞുവെന്ന് ഖത്തർ സേന അറിയിച്ചു.
തുടർന്നു 12 മിസൈലുകൾ കൂടുതൽ വിക്ഷേപിക്കപ്പെട്ടു. ഇവയിൽ 11 എണ്ണം വിജയകരമായി തടഞ്ഞുവെങ്കിലും ഒരു മിസൈൽ എയർബേസിനുള്ളിൽ വീഴുകയും ചെയ്തു എന്നാൽ മരണമോ വസ്തുനഷ്ടമോ സംഭവിച്ചിട്ടില്ല.
താൽക്കാലികമായി അടച്ചുവച്ച ആകാശമാർഗം ഉടൻ തുറക്കും എന്നും, മിസൈൽ ആക്രമണങ്ങൾ വിജയകരമായി തടഞ്ഞുവെന്നത് രാജ്യത്തിന്റെ വ്യോമ പ്രതിരോധ ശേഷിയുടെ തെളിവാണെന്നും ഖത്തർ പ്രതിരോധ മന്ത്രാലയവും വിദേശകാര്യ മന്ത്രാലയവും പറഞ്ഞു.
ആഭ്യന്തര മന്ത്രാലയം സ്ഥിതിഗതികൾ പൂർണമായും നിയന്ത്രണത്തിലാണെന്നും ജനങ്ങൾക്ക് ആശങ്കപ്പെടേണ്ട സാഹചര്യമില്ലെന്നും സ്ഥിരീകരിച്ചു.
ജീവിതം സാധാരണ നിലയിലേക്ക് തിരികെ വരുന്നതായി മന്ത്രാലയങ്ങൾ അറിയിച്ചു.

With input from the peninsula